O pasado mércores 12 de novembro os alumnos/as de Educación infantil celebrámo-la tradicional festa do magosto cunha suculenta castañada. Os días previos os alumnos/as trouxeron castañas das súas casas e ese día pola mañá adicámonos a preparalas para asar dándolles un pequeño corte cos punzóns para que non estoupasen. Ó mediodía levámosllas ó noso cociñeiro Geluco que con moito cariño e en pouco tempo tiñas no seu punto. Mentres, na aula, adicábamonos a facer os sempre imprescindibles e populares cucuruchos para que non faltase de nada. Cantámo-la canción do magosto, fixemos colares do producto, bailamos e, por suposto, comemos moitas castañas…

CANCIÓN DO MAGOSTO

A festa do magosto, que bonita é:
Unha castaña, dúas castañas, tres castañas, na barriga.
Buscamo-los ourizos polos castiñeiros:
Uns pinchan ¡AY!, outros non, e así remata a canción.